ბიოგრაფია

რეჟისორი, სცენარისტი და მსახიობი ოთარ იოსელიანი დაიბადა 1934 წელს თბილისში. მუშაობდა კინოსტუდია „გრუზიაფილმში“.  ამ პერიოდში გადაიღო მოკლემეტრაჟიანი ფილმები  ,,აკვარელი“ (1958),  ,,სიმღერა ყვავილის შესახებ“ (1959) და ,,აპრილი“ (1962). მისი პირველი სრულმეტრაჟიანი ფილმი „გიორგობისთვე“  გახდა ჟორჟ სადულის პრემიის ლაურეატი საუკეთესო დებიუტისთვის. 80-იანი წლებიდან მოღვაწეობს საფრანგეთში. არის პაზინეტის, ტარკოვსკის და მრავალი სხვა პრემიის ლაურეატი.

სინოფსისი

ზოგი მსგავსება შემაშფოთებელია. ეს ეხება გილიოტინაზე დასჯილ ვისკონტის, პირში ჩიბუხით, ტერორის პერიოდში; სამხედრო კაპელანს, განგსტერივით ამოსვირინგებული მკერდით, რომელიც ჯარისკაცებს, მოთარეშეებსა და მოძალადეებს ნათლავს; კომპაქტორის მიერ გათელილ, პარიზელ მაწანწალასა და დიდი კორპუსის განათლებულ კონსიერჟს, რომელიც იარაღითაც ვაჭრობს. ერთ შენობაში თითქმის ყველა აღნიშნული პერსონაჟი ერთმანეთს ხვდება - უსახლკაროს გარდა, რომელსაც პოლიცია ერთი ადგილიდან მეორემდე დაატარებს. ამ ქაოსში ოცნების, სიყვარულისა და მეგობრობის დრო მაინც რჩება, რაც უკეთესი მომავლის იმედს ტოვებს.    

ბიოგრაფია 

ბაკურ ბაკურაძე დაიბადა 1969 წელს თბილისში.  დაამთავრა მოსკოვის კინემატოგრაფიის სახელმწიფო ინსტიტუტის სარეჟისორო კურსები. მისი პირველი ფილმები - ,,შულტესი“ (2008) და ,,მონადირე“ (2011) - კანის კინოფესტივალისთვის კონკურსისთვის იქნა შერჩეული. ასევე - ,,რეჟისორთა ორკვირეულისა“ და ,,განსაკუთრებული ხედვისთვის“.

ბაკურ ბაკურაძე გახლავთ ფილმების ,,ინტიმური ნაწილების“ (2013) და ,,რუსული რბოლას“ (2014) პროდუსერი.

სინოფსისი 

ბალკანეთის ომის ყოფილი გენერლის, დეიან სტანიჩის, სიცოცხლის ბოლო თორმეტი თვე. ათი თვის მანძილზე მართლმსაჯულებისგან დამალვა უწევდა. სხვადასხვა საიდუმლო სამხედრო ბაზაზე ყოფილი იუგოსლავიის სისხლის სამართლის საერთაშორისო ტრიბუნალს ემალებოდა. ბოლოს მთაში, ერთ პატარა სოფელში, მოხუც სლავკოსთან ჰპოვა თავშესაფარი. უკიდურეს იზოლაციაში მყოფ დეიანს არა მარტო ახალ გარემოსა და რეალობასთან შეგუება უწევს, არამედ წარსულიც არ ასვენებს. 

ბიოგრაფია

შარუნას ბარტასი დაიბადა 1964 წელს ლიტვის ქ. შიაულიაიში. 1984 წლიდან კაუნასში კინოსტუდია Banga-ს არტდირექტორი იყო. 1986 წელს მოსკოვის გერასიმოვის სახელობის კინემატოგრაფიის სახელმწიფო უნივერსიტეტში ჩააბარა და სწავლობდა ირაკლი კვირიკაძის სახელოსნოში. 1989 წელს ლიტვაში პირველი დამოუკიდებელი კინოსტუდია - Kinema - დააარსა. მისი უახლესი ფილმი - „მშვიდობა მხოლოდ გვესიზმრება“ - „რეჟისორთა ორკვირეულისთვის“ შეირჩა.

სინოფსისი

ზაფხულის ერთ დღეს კაცი, მისი ახლადშერთული ცოლი და ქალიშვილი უქმეების გასატარებლად სოფელში მიემგზავრებიან. მიუხედავად იმისა, რომ ცოლ-ქმარს ერთმანეთი უყვარს, მათი ურთიერთობა მაინც დაძაბულია და ქორწინებას საფრთხე ემუქრება.  წყვილის ქალიშვილი ერთ ბიჭს უმეგობრდება, რომელიც მონადირეთა კომპანიიდან ოპტიკური ხედვის შაშხანას იპარავს და სოფელში დიდი დევნა იწყება.  

ბიოგრაფია

 ბარტეკ პროკოპოვიჩი დაიბადა1972 წელს  პოლონეთის ქ. ლოძში. პოლონეთის ეროვნულ კინოსკოლაში დაეუფლა ოპერატორის ხელოვნებას. პოლონური და უცხოური ტელეკომპანიებისთვის ასზე მეტი გადაცემა გადაიღო და სხვადასხვა დოკუმენტურ თუ მხატვრულ ფილმზე კრჟიშტოფ კრაუცეს, ფილიპ ბაიონისა და ანდრჟეი ვაიდას გვერდით იმუშავა. ცოლის სიკვდილის შემდეგ თავისი პირველი ფილმის გადაღება გადაწყვიტა. ,,ქიმია“ (2015) რეჟისორის პირად გამოცდილებას ეფუძნება და სასიკვდილო დაავადებასთან მებრძოლი წყვილის ისტორიაში სიყვარულის, თავდადებისა და რწმენის ძალის დემონსტრირებას ახდენს.

სინოფსისი

ბენეკსა და ლენას შორის არატრადიციული რომანის გაჩაღების შემდეგ ახალგაზრდა წყვილი სიკვდილ-სიცოცხლის საკითხებს იკვლევს და, ბუნებრივი წესრიგის წინააღმდეგ, შვილის ყოლას წყვეტს. სევდიანი და, ამავდროულად, მსუბუქად გადმოცემული ისტორია საკუთარი ადგილის ძიებას, სიყვარულის პოვნასა და სასიკვდილო დაავადებასთან ბრძოლას მოიცავს, რომელში გამარჯვებაც თითქმის შეუძლებელია. 

ბიოგრაფია

დენიზ გამზე ერგიუვენი დაიბადა 1978 წელს  თურქეთის დედაქალაქ ანკარაში, თუმცა ცხოვრების უმეტესი ნაწილი აშშ-სა და საფრანგეთში გაატარა, სადაც პრესტიჟული კინოსკოლა La Fémis დაამთავრა. მისი სადიპლომო ნამუშევარი, ,,წყლის წვეთი“ (2006), თურქულ საზოგადოებაში არსებული ავტორიტარული და პატრიარქატული ტენდენციების წინააღმდეგ ქალების ბრძოლას ეხება. ეს ფილმი კანის კინოფესტივალზე, Cinéfondation-ის ფარგლებში აჩვენეს. კინოფესტივალზე ლოკარნოში ,,მომავლის ავაზების“ პრესტიჟული ჯილდო აიღო. ბოლო დროს ერგიუვენი ლოს-ანჯელესში მომხდარი ცნობილი აჯანყებებისა და 1992 წელს პოლიციის ძალადობის შესახებ სრულმეტრაჟიან ფილმს იღებდა, თუმცა ,,მუსტანგის“ (2015) გადაღების მიზნით მუშაობა დროებით შეაჩერა. ,,მუსტანგის“ პრემიერა წელს კანის კინოფესტივალზე ,,რეჟისორთა ორკვირეულის“ ფარგლებში გაიმართა.

სინოფსისი

ადრეული ზაფხული. ჩრდილოეთ თურქეთის სოფელში ლალე და მისი ოთხი და სკოლიდან ბრუნდებიან და ბიჭებს ეთამაშებიან. მათი თამაშის უზნეობას სკანდალი და მოულოდნელი შედეგი მოსდევს: ოჯახის სახლი ციხედ იქცევა, სკოლას ოჯახის შექმნის სწავლება ცვლის და ქორწინებისთვის გარიგება იწყება. თავისუფლების მოყვარული დები შეზღუდვების გადალახვის გზებს პოულობენ. 

ბიოგრაფია

ევა ნეიმანი დაიბადა 1974 წელს  უკრაინის ქ. ზაპოროჟიეში. დაამთავრა გერმანიის მარბურგის უნივერსიტეტის სამართლის ფაკულტეტი. ბერლინის კინემატოგრაფიისა და ტელევიზიის აკადემიაში სწავლბდა რეჟისურას. 2001 წელს მისი მოკლემეტრაჟიანი ფილმის - „იყინება, ლღვება“ - წარმატების შემდეგ ევას რამდენიმე დოკუმენტური ფილმი საერთაშორისო ფესტივალებზე აჩვენეს: „როგორც ძველად“ (2004), „ზღვას უყურე“ (2005), „უფლის გზები“ (2007). 2007 წელს პირველი სრულმეტრაჟიანი ფილმი წარადგინა - ,,მდინარესთან“, რომლის საერთაშორისო პრემიერა როტერდამის კინოფესტივალზე გაიმართა. ევას მეორე სრულმეტრაჟიანი ფილმი, ,,კოშკურიანი სახლი“ (2012), კარლოვი ვარის „დასავლეთის აღმოსავლეთის“ კონკურსზე აჩვენეს. ,,სიმღერათა სიმღერა“ მისი მესამე სრულმეტრაჟიანი ფილმია.

სინოფსისი 

უკრაინელი რეჟისორის შთაგონების წყარო ცნობილი ებრაელი მწერლის შოლომ ალეიხემის ნაწარმოები გახდა. ფილმი მე-20 საუკუნეში ებრაელთა შტატელის დაკარგული სამყაროს განსხვავებულ ხედვას გვთავაზობს. ჯადოსნური გამოსახულებებით შექმნილი, პოეტური სცენები ბავშვობის სიყვარულს უკავშირდება, ფილმის შემოქმედებითი ფორმა კი ნოსტალგიით არის გაჟღენთილი. 

ბიოგრაფია 

ჯოშ მონდმა თავისი საპროდიუსერო კომპანია Borderline Films-ით ოთხი სრულმეტრაჟიანი ფილმი შექმნა: ანტონიო კამპოსის ,,სკოლადამთავრებულები“ (2008) და ,,მკვლელი საიმონი“ (2012), შონ დერკინის ,,მართა მარსი მეი მარლინი“ (2011) და ალასტერ ბენკსის ,,ძილის ორი კარიბჭე“ (2010). მონდმა მუსიკალური ვიდეოებიც გადაიღო, მათ შორის - Mayday Parade-ის სიმღერისთვის ,,შეყვარებული ბავშვები“ და სხვადასხვა სახის რეკლამა შემდეგი კლიენტებისთვის: Island Def Jam, Atlantic Records, Foot Locker და Ebay. 2010 წელს ჯოშ მონდმა ანენბერგის გრანტი მიიღო. 2015 წელს მისმა ფილმმა ,,ჯეიმს უაიტი“ სანდენსის კინოფესტივალზე მაყურებელთა ჯილდო მიიღო, ხოლო ლოკარნოს კინოფესტივალზე - ჟიურის მე-2 პრიზი.

სინოფსისი 

ჯეიმს უაიტი 20 წელს გადაცილებული ადამიანია და ცდილობს, მჩქეფარე ნიუ-იორკში არ ჩაიძიროს. ჰედონისტური ცხოვრებით გატაცებული ჯეიმსის დედა სერიოზულ დაავადებასთან ბრძოლას იწყებს. ეს და სხვა პრობლემები კაცს მეტი პასუხისმგებლობის აღებას აიძულებს. წნეხის ქვეშ მოქცეულმა ჯეიმსმა ძალა უნდა გამონახოს, თორემ აფეთქება ემუქრება. 

ბიოგრაფია

ოლე კრისტიან მადსენი სკანდინავიის ერთ-ერთი საუკეთესო რეჟისორია. „პაწაწინა“ მისი მე-7 მხატვრული ფილმია. მადსენის წინა ნამუშევრებს შორისაა თრილერი მეორე მსოფლიო ომის შესახებ - ,,ალი და ციტრონი“ (2008), რომელმაც დანიის კინოთეატრებში მიღებული შემოსავლით რეკორდი დაამყარა და ბოლოს 60-ზე მეტ ტერიტორიაზე გაიყიდა. 1999 წელს ,,პიცის მეფით“ შემდგარი დებიუტის მერე ოლე ქრისტიანი 2001 წელს ,,დოგმის ტალღის“ მონაწილე გახდა ფილმით - ,,კირას მიზეზი - სიყვარულის ისტორია“. 2005 წელს ფილმით - ,,სწრაფად მოძრავი ანგელოზები“ ადგილობრივ წარმატებას მიაღწია. მომდევნო წელს მისი დრამა - ,,პრაღა“ - გამოვიდა, მადს მიკელსენისა და სტინე სტენგადეს მონაწილეობით, ხოლო  2012 წელს მადსენის უზომოდ სასაცილო კომედია - ,,სუპერკლასიკო“ - აშშ-ის კინოაკადემიის 9 საუკეთესო უცხოენოვანი ფილმის სიაში მოხვდა და ხუთეულში ნომინირებამდე მხოლოდ ერთი ნაბიჯი დააკლდა. ოლე კრისტიანმა ტელესივრცეშიც მნიშვნელოვანი კვალი დატოვა ცნობილი სერიალით - ,,ობობა“ (2000), სერიალების - ,,ტაქსა“ (1997) და ,,პირველი დანაყოფი“ (2002-04) - რეჟისორობითა და ამერიკული სერიალით - ,,ბანში“ (2013-14). ოლე კრისტიანის ნაშრომები კრიტიკოსებისგანაც დადებით შეფასებებს იღებს და კომერციულადაც წარმატებულია, რის გამოც დანიაში ფილმების ერთ-ერთი ყველაზე წარმატებული შემქმნელია.

სინოფსისი

1962 წელს მთელი თაობა ისე ცხოვრობს, თითქოს ხვალინდელი დღე არ არსებობდეს. ახალგაზრდა აქტივისტის, აიკ სკალოეს, ცხოვრება თავდაყირა დგება, როდესაც მშვიდობის ლამაზი აქტივისტი, იბენ ნაგელ რასმუსენი, უყვარდება და იბენიც ამავე გრძნობით პასუხობს. თუმცა იბენი იმ პერიოდს დღის წესრიგს ემორჩილება და თავისუფალ სიყვარულსა და სექსზე უარს არ ამბობს. გოგონა ადამიანთა მესაკუთრეობას არ ცნობს და ერთ კაცს არ სჯერდება, როცა რამდენიმეს ყოლა შეუძლია.  აიკი თავისი სიყვარულისთვის ტიპურ, რომანტიკულ ბრძოლას იწყებს. როგორც პოეტი, მწერალი და მომღერალი, იბენს მუდმივად სიყვარულს უხსნის, მაგრამ ბოლოს მარცხს ეგუება და ნეპალში თავისი საყვარელი პაწაწინას გარეშე მიემგზავრება, იქიდან კი არასოდეს ბრუნდება.

ბიოგრაფია

რეჟისორი და ვიზუალური ხელოვნების სპეციალისტიავიშაი სივანი დაიბადა 1977 წელს ისრაელში. მისი ნამუშევრები ისრაელისა და ევროპის გალერეებსა და მუზეუმებში იყო წარმოდგენილი. სანამ პირველ სრულმეტრაჟიან ფილმს, ,,მოხეტიალეს“, გადაიღებდა, ექსპერიმენტულ ფილმებს ქმნიდა. მათ შორის იყო შვიდნაწილიანი „გაყინული რეჟისორის საპნის ოპერა“, რომელმაც 2007 წელს იერუსალიმის კინოფესტივალზე ჯილდო დაიმსახურა. 2015 წელს მისმა ფილმმა - ,,თიკუნი“ - იერუსალმის კინოფესტივალზე საუკეთესო სრულმეტრაჟიანი ფილმის, სცენარის, საოპერატორო ნამუშევრისა და მსახიობი კაცის ნომინაციებში გაიმარჯვა. აგრეთვე, ლოკარნოს კინოფესტივალზე აჩვენეს, სადაც ჟიურის სპეციალური ჯილდო და დონ კიხოტის პრიზი გადაეცა.

სინოფსისი

ჰაიმ-აარონი განათლებული, მართლმადიდებელი, რელიგიური სწავლულია და იერუსალიმში ცხოვრობს. მისი ნიჭისა და თავდადების ყველას შურს. ერთ საღამოს, თვითნებური მარხვის შემდეგ, ჰაიმ-აარონი გონებას კარგავს. ექიმები მკვდრად აცხადებენ, თუმცა მამა არ ნებდება და, ყველა მოლოდინის მიუხედავად, ჰაიმ-აარონი ცოცხლდება. ამ ინციდენტის შემდეგ ჰაიმ-აარონი თავისი კვლევების მიმართ გულგრილი ხდება. საკუთარი სხეულის მოულოდნელი გაცოცხლების შემდეგ ეჭვობს, რომ ღმერთმა მისი გამოცდა გადაწყვიტა და რწმენის აღსადგენად გზიდან გადახვევის შესახებ ფიქრობს. მამა შვილის შეცვლილ ქცევას ამჩნევს და მის პატიებას ცდილობს. მამას მიაჩნია, რომ შვილის გაცოცხლებით უფლის ნება უარყო და ამის გამო ეშინია. 

ბიოგრაფია 

ალექსეი გერმანი უმცროსი დაიბადა 1976 წელს  მოსკოვში. 2001 წელს დაამთავრა მოსკოვის გერასიმოვის სახელობის კინემატოგრაფიის სახელმწიფო უნივერსიტეტი. 2003 წელს სადებიუტო ნაშრომი - ,,უკანასკნელი მატარებელი“ - გადაიღო. 2008 წელს მისი მეორე სრულმეტრაჟიანი ფილმის - ,,ქაღალდის ჯარისკაცის“ - პრემიერა ვენეციის საერთაშორისო კინოფესტივალზე გაიმართა და გერმანმა ,,საუკეთესო რეჟისორის“ ნომინაციაში გაიმარჯვა, ხოლო საუკეთესო საოპერატორო ნაშრომისთვის ,,ოზელას“ ჯილდოც გადაეცა. 2006 წელს, ფილმისთვის ,,გარპასუმი“, ალეკსეი გერმან უმცროსი ვისბადენის კინოფესტივალზე  საუკეთესო რეჟისორად დასახელდა.

სინოფსისი

რუსეთი, 2017 წელი. მსოფლიო დიდი ომის წინაშეა. მდინარის უჩვეულო  სანაპირო ნისლსა და თოვლშია გახვეული. ცათამბჯენის ჩონჩხი.  ბრტყელ რელიეფზე დაუსრულებელი მაგისტრალები ჩანს. ლენინის ძეგლის გაწვდილი მარჯვენა ხელი არაფრისკენ მიუთითებს. სიურეალისტურ სამყაროში ხალხი უმიზნოდ დაეხეტება. ძველი წესები აღარ მოქმედებს, მეგობრები და ნათესავები გაუჩინარდნენ, იდეალები ქარმა წაიღო. საზღვარგარეთიდან დაბრუნებულ საშას მამის კუთვნილ სამშენებლო  მოედანზე რამდენიმე ადამიანი ხვდება: ყირგიზი მუშა, რომელიც კოლეგებს ეძებს; არქიტექტორი, შუბლზე კაშკაშა წითელი კანით და გიდი, რომელიც მოსკოვის ბარიკადების დროს ელცინის გვერდით იდგა.     

ბიოგრაფია

რეჟისორი და დრამატუგი ჩად გარსია 20 წელია ნიუ იორკის თეატრში მუშაობს. მის პიესებს დგამენ ამერიკისა და ევროპის წამყვან თეატრებში. „რუსული კოდალა“ რეჟისორის პირველი ფილმია.

სინოფსისი

ჩერნობილში, ძველი საბჭოთა გადამცემის შესწავლისას, ფიოდორ ალექსანდროვიჩი საიდუმლო შეთქმულების კვალს აღმოაჩენს. ახლა მას მხოლოდ ერთი მიზანი ამოძრავებს - გაარკვიოს, რამ გამოიწვია სინამდვილეში კატასტროფა, რას მალავდა საბჭოთა მთავრობა და რაც მთავარია, გამოიცნოს რატომ დგას ჯართის უზარმაზარი  გროვა კატასტროფის ადგილთან ახლოს. 

ბიოგრაფია

მრავალი ჯილდოს მფლობელი, დოკუმენტალისტი შონ მაკალისტერი, ბრიტანეთში ერთ-ერთი ყველაზე წარმატებული კინორეჟისორია. მისი ადრეული ფილმები -„მტრისთვის მუშაობა” (1997 წელი) და „პირადი მცველები” (1998 წელი) -ნომინირებული გახლდათ სამეფო სატელევიზიო საზოგადოების ჯილდოზე. დიდი წარმატება ხვდა წილად მის ბოლოდროინდელ ფილმებსაც, მათ შორისაა სანდენსის ფესტივალის პრიზის მფლობელი „ლიბერაჩე ბაღდადიდან” (2004 წელი) და „იაპონია: სიყვარულისა და სიძულვილის ისტორია” (2008 წელი).

მაკალისტერის ფილმები მსოფლიოს სხვადასხვა ქვეყანაში მცხოვრებ ადამიანებზე მოგვითხრობს. თითოეული ნამუშევარი ამ ადამიანების გულწრფელი და ინტიმური პორტრეტია, ამიტომაცაა, რომ მაყურებლისთვის უწყვეტ შთაგონების წყაროს წარმოადგენს.

სინოფსისი

ამერი და რაგდა ერთმანეთს ციხეში შეხვდნენ, ორივე პოლიტიკური პატიმარი იყო. შონ მაკალისტერმა ისინი ოცწლიანი თანაცხოვრების შემდეგ გაიცნო. წყვილს უკვე 4 შვილი ჰყავდა. განმეორებითი პატიმრობის შემდეგ, რაგდას უეცრად ათავისუფლებენ. მთელს ოჯახს უხარია, განსაკუთრებით კი, ოთხი წლის ბიჭუნას, ბობს. 

რეჟისორისა და მთავარი გმირების ცხოვრება ერთმანეთს სამუდამოდ უკავშირდება - მაკალისტერს თავადაც აპატიმრებენ. ამერი და რაგდა იძულებულები არიან ლიბანში გაიქცნენ და შვილები უსაფრთხო ადგილას გადაიყვანონ.   

ბიოგრაფია

რეჟისორი და პროდიუსერი - უგის ოლტე - 1981 წელს დაიბადა ლატვიაში. უგისმა კარიერა ყოველკვირეულ სატელევიზიო გადაცემაში - “Vides Fakti“ - დაიწყო, რომელიც ლატვიის წამყვან ტელეარხზე გადიოდა და უამრავი ჯილდოს მფლობელი გახდა.

2001 წლიდან უგის ოლტე ქმნის ფილმებს. მუშაობს, როგორც ხმის რეჟისორი და მემონტაჟე.

სინოფსისი

სამცხე-ჯავახეთში უმეტესად სომეხი მოსახლეობა ცხოვრობს. ქართველი ფოტოგრაფი და ლატვიელი რეჟისორი სწორედ ამ რეგიონში მოგზაურობენ და იქ მცხოვრები ხალხის ყოველდღიურ პრობლემებზე მოგვითხრობენ. 

ბიოგრაფია

რეჟისორი, სცენარისტი და პროდიუსერი - მარეკ ტომაშ პავლოვსკი დაიბადა 1963 წელს.  დაამთავრა ვარშავის თეატრის ნაციონალური აკადემიის სარეჟისორო ფაკულტეტი. რეჟისორს გადაღებული აქვს უამრავი სატელევიზიო თუ დოკუმენტური ფილმი, მათ შორის ცნობილი პროექტები: „აკრძალული სიყვარულის ისტორია: ბრონია და გერჰარდი“ (2002 წელი), „გაქცეული“ (2007 წელი), „გულგატეხილთა ცირკი“ (2009 წელი).

სინოფსისი

ფილმი იმ ადამიანის ისტორიას გვიყვება, რომელიც უამრავ ებრაელს დაეხმარა საკონცენტრაციო ბანაკიდან გაქცევაში.

ბიოგრაფია

რორი კენედი ცნობილი პროდიუსერი, რეჟისორი და მწერალია. ის თავის პარტნიორ ლიზ გარბუსთან ერთად საპროდიუსერო კომპანია “Moxie Firecracker Films”-ის თანადამფუძნებელია. წლების განმავლობაში რორის მუშაობდა ისეთ წამყვან ტელეარხებთან, როგორიცაა HBO, PBS, Lifetime Television, A&E, Court TV, The Oxygen Network და The Learning Channel. რეჟისორი თავის ფილმებში მნიშვნელოვან სოციალურ თუ პოლიტიკურ თემებს განიხილავს: შიდსი, ადამიანთა უფლებები, ოჯახური ძალადობა, სიღარიბე, ნარკომანია და ა.შ.

სინოფსისი

ვიეტნამის ომის ბოლო დღეები: ჩრდილოეთ ვიეტნამელთა არმია საიგონს უახლოვდება. შეშინებული მოსახლეობა გაქცევას ცდილობს. ამერიკელი ჯარისკაცები მორალური დილემის წინაშე დგანან: დაემორჩილონ მთავრობის განკარგულებას და საშიში ზონიდან გამოიყვანონ მხოლოდ ამერიკელი დიპლომატები თუ, საკუთარი სიცოცხლის საფრთხეში ჩაგდების ფასად, ადგილობრივი მოსახლეობის გადარჩენაც სცადონ.

ბიოგრაფია

,,ბაფტას“ მფლობელი ასიფ კაპადია 1972 წელს დაიბადა. იგი განსხვავებულ, უკიდურესად დაუნდობელ გარემოში მცხოვრები პერსონაჟების შესახებ შთამბეჭდავი ფილმების შექმნით არის ცნობილი. მისი ნაშრომები მთელ მსოფლიოშია გავრცელებული და ბრიტანული კინემატოგრაფიის მრავალფეროვნებას გამოხატავს. ასიფ კაპადიას ჯილდოს მფლობელ ფილმებს შორისაა მოკლემეტრაჟიანი ,,ცხვრის ქურდი“ (1997), მისი პირველი სრულმეტრაჟიანი ფილმი ,,მეომარი“ (2001) და ,,სენა“ (2010). ასევე კაპადიას ეკუთვნის ,,დაბრუნება“ (2006) და ,,შორეული ჩრდილოეთი“ (2007).

სინოფსისი

,,ოსკარის“ მფლობელი ფილმის, ,,სენას“, რეჟისორის - ასიფ კაპადიას -მომაჯადოებელი, ემოციური, საინტერესო და შთამბეჭდავი, დოკუმენტური ფილმი 2011 წელს გარდაცვლილი საოცრად ნიჭიერი, თუმცა საშინლად პრობლემური ემი უაინჰაუსის გამაოგნებელ მიღწევებსა და თავბრუდამხვევ დაცემებს ასახავს. ფილმში გამოყენებულია საშინაო ჩანაწერები, მობილური ტელეფონებით გადაღებული და საარქივო ჩანაწერები. სევდანარევ ფილმში ჯადოსნური, მუსიკალური და საოცარი ნიჭიერების ამსახველი სცენებია. 

ბიოგრაფია

დომინიკ განიონი ცნობილი რეჟისორი, მსახიობი  და გამომგონებელია. 1996 წლიდან მისი ფილმები, ინსტალაციები, პერფორმანსები და გამოგონებები მსოფლიოს სხადასხვა ფესტივალზე, ბიენალესა თუ გალერეაშია გამოფენილი.

სინოფსისი

დომინიკ განიონი თავის ბოლო ფილმში ჩრდილოელი ნანუკის შთამომავლებს გვაჩვენებს. მაყურებელი აკვირდება ესკიმოსების ცხოვრებას და იმ პრობლემებს, რომელთაც ისინი ყოველდღიურად აწყდებიან. 

ბიოგრაფია

სოფია ტურკიევიჩი პოლონელ ლტოლვილთა ბანაკში დაიბადა, აფრიკაში. მოგვიანებით ავსტრალიაში გადავიდა საცხოვრებლად. 1978 წელს დაამთავრა ავსტრალიის კინოს, ტელევიზიისა და რადიოს სკოლა. რეჟისორის 1984 წლის სრულმეტრაჟიანმა ფილმმა, „ვერცხლის ქალაქი“, ამერიკის კინოინსტიტუტის 3 პრიზი და საუკეთესო ფილმის ჯილდო აიღო სიდნეის კინოკრიტიკოსთა დაჯილდოებაზე.  სოფია კითხულობდა ლექციებს ავსტრალიის კინოს, ტელევიზიისა და რადიოს სკოლაში. 

სინოფსისი

ჩვენს მშობლებს კარგად არ ვიცნობთ - სწორედ ამის თქმა სურს სოფია ტურკიევიჩს, ცდილობს გაარკვიოს, რატომ დატოვა დედამ ბავშვთა სახლში. სოფიას დედა, ელენა, პოლონეთში დაიბადა, ომამდე. მან საშინელი შიმშილი, გასაჭირი და სიღარიბე   გამოიარა. ელენას არერთხელ მოუწია საცხოვრებელი ადგილის შეცვლა.

რეჟისორი იძიებს დედისა და საკუთარი ცხოვრების საკვაძო გარემოებებს და ცდილობს, მნიშვნელოვან კითხვებს გასცეს პასუხი.

ბიოგრაფია

ამერიკის ტელევიზიის აკადემიის ჯილდოს - „ემის“ - ნომინანტი რეჟისორი, მეთიუ ჰეინმანი, ნიუ იორკში ცხოვრობს. მისი ფილმის - „Escape Fire“ - პრემიერა CNN-ზე შედგა. „კარტელის მიწა“ სანდენსის კინოფესტივალზე აჩვენეს, სადაც ჰენმანმა საუკეთესო რეჟისორის ჯილდო მოიპოვა.

სინოფსისი

„კარტელის მიწა“ ზედამხედველების („ვიჯილანტების“) ორ ჯგუფზე გვიყვება, რომელთაც საერთო მტერი, მექსიკური ნარკო კარტელი ჰყავთ.  მექსიკის ერთ-ერთ შტატში, „ელ დოკტორის“ სახელით ცნობილი ექიმი, ხოსე მირელესი მოსახლეობას კარტელებზე აჯანყებისკენ მოუწოდებს. პარალელურად, არიზონაში მცხოვრები ომის ვეტერანი, ტიმ „ნეილერ“ ფოლი, მცირე რაზმს ქმნის საზღვარზე არსებული სიტუაციის გასაკონტროლებლად. 

ბიოგრაფია

ოქსფორდის უნივერსიტეტში ფილოსოფიასა და რუსულ ენას შეისწავლის. სანკტ-პეტერბურგის თეატრალური ხელოვნების  სახელმწიფო აკადემიასა და თბილისის რუსთაველის თეატრში სტაჟირებას გადიოდა.

სინოფსისი

ცოლთან ჩხუბის შემდეგ მარკი სოფელში, მშობლების სახლში, მიემგზავრება, რომ განქორწინების შესახებ დაფიქრდეს. მშობლების სახლთან სეირნობისას სოფლის თავისუფლებით, სილამაზითა და ხედებით ტკბება, როდესაც მარტო მყოფ გოგონას ამჩნევს. ამ გოგოს დარდით გულაჩუყებული მარკი ცოლთან განქორწინებას წყვეტს.

ბიოგრაფია

ჯასტინ ოუკი ახალაგაზრდა რეჟისორია ნიუფაუნდლენდიდან. მისი ნამუშევრები საერთაშორისო მასშტაბით იქნა ნაჩვენები. ჯასტინმა წარჩინებით დაამთავრა რაიერსონის უნივერსიტეტში კინომცოდნეობის ფაკულტეტი. ამჟამად ჯასტინი  თავის პირველ სრულმეტრაჟიან ფილმზე, ,,მდინარის სათავეზე“, მუშაობს, რომლის გადაღება 2015 წლის მიწურულს დაიწყება.

სინოფსისი

ქარიშხლის დაწყებამდე შექმნილი საგანგებო მდგომარეობის გამო ნიუფაუნდლენდის სოფელში მტრად გადაკიდებულ მეთევზეებს კონფლიქტის გვერდზე გადადება უწევთ.

ბიოგრაფია

ფიზალ ბულიფას მოკლემეტრაჟიანი ფილმი ,,შემაფასე“ რეჟისორის მეორე ნაშრომია, რომელიც კანის კინოფესტივალზე, რეჟისორთა ორკვირეულის ფარგლებში საჩვენებლად შეირჩა. მისი ერთ-ერთი ადრინდელი ფილმი “წყევლაც” 2012 წელს ნაჩვენები იყო კანის კინოფესტივალზე და ასევე ბათუმის კინოფესტივალზე.

სინოფსისი

მოზარდი მეძავის, კოკოს, პორტრეტი.

ბიოგრაფია 

ბეჰზად აზადი 1990 წელს დაიბადა. აზადიმ ლიტერატურა შეისწავლა და 2009 წლიდან მოკლემეტრაჟიანი ფილმების შექმნით არის დაკავებული.  მისი ფილმი ,,დროებითი“ პუსანის საერთაშორისო კინოფესტივალისთვის შეირჩა.

სინოფსისი

4 მოზარდ მეგობარს ცხოვრებაში დიდი გეგმები აქვს: უბანში ნარკოტიკების გასაღებით სწრაფად გამდიდრება უნდათ. ჯერ კონტრაბანდისტისგან მიღებული ნარკოტიკი უნდა გამოცადონ, თუმცა მოულოდნელი შემთხვევა გეგმას ცვლის და ვითარება უმართავი ხდება.

ბიოგრაფია

რესული 1993 წელს ხოფაში დაიბადა, სადაც ლაზური კულტურის გავლენის ქვეშ იზრდებოდა. ანტალიაში, აკდენიზის უნივერსიტეტში, კომუნიკაციის ფაკულტეტზე, რადიოს, ტელევიზიისა და კინემატოგრაფიის მიმართულებაზე, 2012 წელს ჩააბარა და მოკლემეტრაჟიანი ფილმების გადაღება დაიწყო.  

სინოფსისი

მოქმედება 1920-იან წლებში თურქეთისა და საქართველოს საზღვარზე მდებარე სოფელ სარფში ხდება. ფილმი ოჯახის წევრების შესახებ არის, რომლებსაც საზღვრის გამო ერთმანეთთან დაშორება ხშირად უწევთ. დრო ოჯახს მდინარის ერთ მხარეს აშორებს და მეორე მხარეს აჩვევს. ცოლის სიკვდილის შემდეგ ქმარი მდინარის მეორე მხარეს გადადის.

ბიოგრაფია 

ემრე კაისი ანკარაში დაიბადა. სამართალმცოდნეობის ბაკალავრიატის დასრულების შემდეგ კინოინდუსტრიაში სხვადასხვა პოზიციაზე მუშაობდა. მოგვიანებით ლონდონის კინოსკოლაში ჩააბარა დაიქვე დასახლდა. ამჟამად Atlantik Film İstanbul-ის დირექტორია. მისთვის საინტერესო თემებია: მორალური საკითხები სხვადასხვა სოციალურ გარემოში, იდენტობის პრობლემების კვლევა, იმიგრაცია და გარიყულობა საზოგადოებაში.

სინოფსისი

იუსუფი 13 წლის დევნილია და თურქეთის პატარა სოფელში გადასახლებაში იმყოფება. ოჯახის სარჩენად სამტეხლოში მუშაობს. მის ცხოვრებაში მხოლოდ ორი რამ არის საინტერესო: მოშინაურებული მტრედები და 15 წლის გოგონა ამინა, რომელმაც იუსუფის შესახებ არაფერი იცის. ერთხელ ამინა ბიჭს დახმარებას სთხოვს. გახარებული იუსუფი მოგვიანებით ხვდება, რომ უნიკალური ძალა მიეცა. ახლა უნდა გადაწყვიტოს, ამ ძალით რას მოიმოქმედებს. 

ბიოგრაფია

1986 წლის 29 ივნისს ბელარუსის ქ. მოლოდეჩნოში დაბადებულმა იულიამ ბელარუსის ხელოვნების სახელმწიფო აკადემიაში სარეჟისორო ფაკულტეტი დაამთავრა და ტელევიზიებისთვის დოკუმენტურ ფილმებს იღებს.

სინოფსისი

სრულყოფილი საცხოვრებელი ადგილი ყველას თავისებურად წარმოუდგენია. ზოგისთვის ეს სასოწარკვეთაა, ზოგისთვის - ნორმა. ზოგი ასეთ გარემოში ნადგურდება, ზოგი კი უპირატესობებით სარგებლობს. ეს ამბავი 80 წლის ადამს ეხება, რომელიც ათეულობით წლის წინ მიტოვებულ ადგილას ცხოვრობს. სხვების მიერ მიტოვებულ და ადამისთვის ძვირფას მიწაზე ცხოვრება დაბრკოლებებითა და სიამოვნებებით სავსეა. 

ბიოგრაფია

ვახტანგ (ტატო) კოტეტიშვილი 1987 წელს საქართველოში დაიბადა. შოთა რუსთაველის თეატრისა და კინოს უნივერსიტეტში კინემატოგრაფიის მიმართულება დაამთავრა. 2008 წლიდან ამავე მიმართულებით ლოძში, პოლონეთის ეროვნულ კინოსკოლაში, სწავლობს. კოტეტიშვილი მრავალი სტუდენტური ფილმის ოპერატორად მუშაობდა. აგრეთვე, რეჟისორი და ფოტოგრაფია. მის ნამუშევრებს მიეკუთვნება მოკლემეტრაჟიანი ფილმები: ,,წვეულების შემდეგ“, ,,ჭურჭელი“, ,,ტამაგოჩი“ და ,,საზამთრო“.

სინოფსისი

მურადი და მაშა დაქორწინებას აპირებენ, მაგრამ მიზნის მიღწევამდე ცხოვრება მათ დაუჯერებელ და სევდიან ამბებს უმზადებს. 

ბიოგრაფია 

გიორგი ახალგაზრდა, ქართველი რეჟისორია. 2009 წელს დაამთავრა ხელოვნების აკადემია. 2015 წელს კი საქართველოს კინემატოგრაფიის უნივერსიტეტში დაასრულა სწავლა. ამჟამად გადის სამაგისტრო პროგრამას ნეირომეცნიერებისა და ფსიქოლოგიის განხრით. მუშაობს კინოინდუსტრიაშიც. მისი სადიპლომო ნამუშევარი ,,მზადება“ 2015 წელს კომპანია Millimeter Film-თან ერთად შექმნა.

სინოფსისი

ფილმი პატარა სოფელში მცხოვრებ ოჯახს ეხება. ერთხელ, სადილობისას, ბებია თავს შეუძლოდ იგრძნობს... ექიმის დიაგნოზი დაძაბულობას იწვევს. ბებიას სიკვდილის ეშინია, ყველგან სიკვდილის მოჩვენებას ხედავს და გრძნობს, რომ აღსასრული ახლოვდება. მამას ესმის, რომ ოჯახი ფინანსური კრიზისის ზღვარზეა და დაკრძალვისთვის მზადებას იწყებს: კუბოს ყიდულობს, ეზოში ათავსებს და ნათესავებს ბებიასთან გამოსამშვიდობებლად იბარებს, თუმცა ბებია ჯერ ცოცხალია. 

ბიოგრაფია 

ლევან ლომჯარია (1984 წელი) ახალგაზრდა ქართველი რეჟისორია, რომელიც ვიზუალური კულტურისა და ახალი მედიის სხვადასხვა სფეროში მუშაობს. მისი ნაშრომების მთავარი მახასიათებელი ღრმა და კონცეპტუალური კავშირია შემოქმედებითი და ფილოსოფიური სამყაროს განსხვავებულ ნაწილებთან.

რამდენიმე ტელეკომპანიაში („იმედი“, „რუსთავი 2“) მუშაობის შემდეგ, 2012 წელს, საკუთარი კომპანია Dud Film Company დააარსა. 2013-2015 წლებში სარაევოს კინოაკადემიაში საერთაშორისო სარეჟისორო პროგრამის ორწლიანი კურსი დაამთავრა. მისი ხელმძღვანელი ცნობილი უნგრელი მწერალი და რეჟისორი - ბელა ტარი - იყო.

სინოფსისი

ფილმში სიმბოლური განმარტებისა და კულტურული ქარაგმების რამდენიმე ფენაა. პირველ ყოვლისა, წმინდა გრაალის ლეგენდას იკვლევს, მაგრამ თანამედროვე საზოგადოებასთან პირდაპირი და ძალიან ახლო კავშირი აქვს. ეს არის პოეტის თავგადასავალი სხვადასხვა ადგილას, დროსა და სივრცეში.

ბიოგრაფია

1984 წელს უკრაინის სოფელ კოზელეცში დაბადებულმა ოლესია მორგუნეც-ისაენკომ კარპენკო-კარის უნივერსიტეტი დაამთავრა და Pavlov Studio-ში რეჟისორად მუშაობდა. 2011 წელს შექმნა ზღაპარი ,,საფრთხობელა და პატარა წერო“. 2012 წელს დრამისა და კომედიის თეატრის ნომრისთვის გადაიღო მხატვრული ვიდეო - ,,ორი ქალბატონი ჩრდილოეთის მიმართულებით“.

სინოფსისი
კაცი და ქალი ყირიმის მინდვრის შუაგულში შემოდგომის მშვიდ დღეს ხვდებიან. ამ შემთხვევით შეხვედრას ბევრი მოვლენა აბრკოლებდა, რასაც მათი მოგზაურობის ბოლოს ვიგებთ.

ბიოგრაფია

ნიკონ რომანჩენკო 1991 წელს კიევში დაიბადა. 2014 წელს კიევის ეროვნული უნივერსიტეტის ტელერეჟისურის ფაკულტეტი დაამთავრა. რომანჩენკო არასამთავრობო ორგანიზაცია ,,თანამედროვე უკრაინული კინემატოგრაფიის“ წევრია.

სინოფსისი

ახალგაზრდა წყვილს ქვეყნიდან წასვლა უნდა. გოგოს მშობლები დიდი ხნის წინ განქორწინდნენ და არ უნდათ, რომ მათ შვილს ამ ბიჭთან ურთიერთობა ჰქონდეს. ბიჭს თვალყურს ადევნებენ. ამის მიუხედავად, გოგო გამოსავლის პოვნას ცდილობს. 

ბიოგრაფია

2003 წელს გერასიმოვის სახ. კინემატოგრაფიის ინსტიტუტში საოპერატორო ფაკულტეტი დაამთავრა. 2012 წელს ნიკიტა მიხალკოვის საზაფხულო კინოაკადემიაში სწავლობდა.

სინოფსისი

ახალგაზრდა ფოტოგრაფო მოულოდნელად უცნაური საგნის ფოტოს იღებს. სიზმრები და რეალობა ერთმანეთს ადგილს უცვლის. ფოტოგრაფი ვიღაცის ნადავლი ხდება. 

ბიოგრაფია

ლილი ჩინეთში დაიბადა და რამდენიმე უნივერსიტეტში სწავლობდა. მათ შორის იყო მანჩესტერის უნივერსიტეტი და ლონდონის კინოსკოლა, სადაც სცენარის წერა და სარეჟისორო ხელოვნება შეუყვარდა. ლილის საინტერესო ადამიანების მიერ შთაგონებული ამბების გადმოცემა მოსწონს და იმედი აქვს, რომ მსგავს შთაგონებას მთელ მსოფლიოს გაუზიარებს.

სინოფსისი

ენი ქრისთან ურთიერთობას ეჭვქვეშ აყენებს, რომელსაც სექსუალური სიამოვნება უფრო აინტერესებს, ვიდრე სულიერი ერთგულება. ქრისთან დაშორების შემდეგ ენი რომანტიკული სიყვარულის მიმართ რწმენას შეინარჩუნებს? ახალი ფურცლის გადასაშლელად მზად იქნება?

ბიოგრაფია

ქსენია ჩერტოვიჩი ბელარუსში, მინსკში, დაიბადა. 21 წლის ასაკში ბელარუსის ხელოვნების სახელმწიფო აკადემიაში კინო-ტელე რეჟისურის მიმართულება დაამთავრა. ამჟამად მინსკში სცენარისტად და რეჟისორად მუშაობს.

სინოფსისი

ორი ადამიანი გზაზე მიდის. კაცი მოხეტიალე მსახიობია, ქალს კი ფსიქოლოგიური უსინათლობა ტანჯავს. კაცმა ქალი შიმშილს გადაარჩინა და ახლა, ერთადერთი ჩემოდნითა და პურის უკანასკნელი ნაჭერით, გადარჩენის იმედს ინარჩუნებენ და ქალაქ მიზერიში მიდიან.  გზად მიტოვებული სოფლები და ცარიელი მინდვრები ხვდებათ, მძღოლები კი არ მანქანებს უჩერებენ... ერთის გარდა.

ბიოგრაფია 

ავთანდილ ჩაჩიბაია დაიბადა და გაიზარდა საქართველოში, 2009 წელს საცხოვრებლად გადავიდა აშშ-ში. სწავლის პარალელურად მუშაობდა სხვადასხვა ბრენდებისათვის როგორც ოპერატორი/ფოტოგრაფი. მისი პირველი სტუდენტური ფილმი მოხვდა სტუდენტური ოსკარების ნახევარფინალში და ჰქონდა პრემიერა კანის კინოფესტივალის ფარგლებში 2012 წელს. მისი მომდევნო ფილმი “ჩემი ნათელი და ხსნა” გახდა პრესტიჟული  National Board of Review–ს გამრჯვებული 2013 წელს.  ამჟამად ჩაჩიბაია მუშაობს მისი პირველი სრულმეტრაჟიანი ფილმის პროექტზე რომლის გადაღებასაც გეგმავს 2016 წელს.

სინოფსისი

იგავი დათვზე, რომელიც ცდილობს შური იძიოს ადამიანებზე რომლებმაც დედა დათვის სიცოცხლე შეიწირეს.

ბიოგრაფია

რეჟისორი და მემონტაჟე, უნა გუნიაკი, დაიბადა სარაევოში. ამჟამად ცხოვრობს ლონდონში. დაამთავრა ტურინის უნივერსიტეტის სარეჟისორო ფაკულტეტი და გაერთიანებული სამეფოს კინოსა და ტელევიზიის სკოლა მემონტაჟის სპეციალობით.

სინოფსისი

მოქმედება სარაევოში, 1993 წელს ხდება. სელმას დაბადების დღეზე წიწილას აჩუქებენ. 6 წლის გოგონა ხვდება, რომ წიწილას დიდი ხნის სიცოცხლე არ უწერია და მის გაშვებას გადაწყვეტს. სელმა ვერ ხვდება, რომ სავალალო შეცდომა დაუშვა - ბავშვის დედა წიწილის დაჭერას ცდილობს და სნაიპერის მსხვერპლი ხდება. 

ბიოგრაფია

დანიელ დრამონდი ბრაზილიის ქ. სან-ლუისში დაიბადა. 2010 წელს საერთაშორისო განათლების ინსტიტუტის გრანტი მიიღო და კალიფორნიაში გაემგზავრა, სადაც დოჯის კინო და მედია ხელოვნების კოლეჯში სწავლობდა. კომპოზიციის, ფერისა და მოძრაობის შესწავლის შემდეგ დანიელს, შთამბეჭდავი გამოსახულების საშუალებით, ამბის გულახდილად გადმოცემის გამოცდილება განავითარა.

სინოფსისი

ორი ორგანიზმი წყვდიადში ერთი სინათლის გამო ერთმანეთს ეჯიბრება და მათი ამბავი ბუნების მერყევ ბუნებას ავლენს. 

ბიოგრაფია

1988 წელს კოლუმბიის ქ. ბოგოტაში დაბადებულმა მარიამ კინო-ტელე ხელოვნება შეისწავლა. სწავლის ადრეულ ეტაოზე ტრადიციული ანიმაცია აღმოაჩინა და მას შემდეგ ტრადიციული მეთოდებისა და ციფრული საშუალებების კომბინაციით ექსპერიმენტებს ატარებს. ,,ძველი“ მისი პირველი მოკლემეტრაჟიანი ფილმია ტრადიციული ანიმაციით და თითქმის 3 წლის შრომის შედეგს წარმოადგენს.

სინოფსისი

ბარი, სადაც არაფერი მუშაობს... მესაკუთრეს სძინავს... მის გვერდით მყოფი ძაღლი ბარს დარაჯობს. მოხუცი კაცი მაგიდებზე დარჩენილი სასმელის ბოლო წვეთებს იპარავს. ბოლოს ყველაფერი იკარგება... მიზეზიც კი. უკანასკნელი სასმელი მათ კვლავ ადამიანებად აქცევს. 

ბიოგრაფია

ორ ტილინგერი ისრაელის ქ. კფარ-სავაში დაიბადა და ჰადერაში გაიზარდა. თელ-ავივში მინშარის ხელოვნების კოლეჯი წარჩინებით დაამთავრა სპეციალობებით ორგანზომილებიანი ანიმაცია, ფლეში და სპეცეფექტები. მისი მოკლემეტრაჟიანი ფილმი ,,უცხოთა სახეები“ ,,2012 წლის მარათონის“ ნაწილი იყო. ტილინგერის ნაშრომები ჯაფას ანტიკვარიატის მუზეუმში საჩვენებლად შეირჩა.

სინოფსისი

შორეულ ჩინეთში, დიდ ტყეში, კლდის პირას, მწყემსი ჯასიო ცხვრებთან ერთად ცხოვრობს. ერთ დღეს მიწისძვრა კლდეს ორ ნაწილად ხლეჩს და მწყემსი და ცხვრები სახლისგან შორს ხვდებიან. ჯასიო შინ დასაბრუნებლად ყველაფერს იღონებს.  

ბიოგრაფია

პორტუგალიის ქ. ლისაბონში დაბადებულ ნუნოს ვიზუალური ხელოვნების მიმართ სიყვარული ადრეულ ასაკში ჩამოუყალიბდა. რამდენიმე წლის განმავლობაში დიზაინერად მუშაობის შემდეგ მუსიკალური ვიდეოებისა და სარეკლამო რგოლების გადაღება დაიწყო, რითაც ვიზუალურ-შემოქმედებითი გამოხატვის ახალ სამყაროში შეაბიჯა. 2014 წელს ნუნომ ,,ტკბილი სახლი“ შექმნა, რის გამოც სცენარისტის, რეჟისორის, პროდიუსერისა და მონტაჟის ავტორის როლები შეითავსა.

სინოფსისი

ციხის მიტოვებულ კომპლექსში ელემენტარული პირობების გარეშე დარჩენილი კაცი გადარჩენას ველური ცხოველივით ცდილობს. როდესაც მის უსაფრთხოებასა და სიმშვიდეს საფრთხე ექმნება, კაცი თავისი საცხოვრებლის დასაცავად ძალადობას მიმართავს. მოგვიანებით  გარესამყაროსგან მოწყვეტილი რჩება და საკანში დაბრუნებაზე ოცნებობს, სადაც თავს უსაფრთხოდ და თავისუფლად გრძნობს. 

ბიოგრაფია

გაბრიელ აბრანტესი დაბადა 1984 წელს, ამერიკის შეერთებულ შტატებში, ჩრდილოეთ კაროლინას შტატში. სწავლობდა ნიუ იორკის მეცნიერებისა და ხელოვნების სკოლაში, პარიზის სახვითი ხელოვნების სკოლაში. გადაღებული აქვს 15 მოკლემეტრაჟიანი ფილმი. მისი ფილმები ნაჩვენებია ვენეციის, ლოკარნოსა და ტორონტოს საერთაშორისო ფესტივალებზე. მისი ნამუშევრები გამოფენილია ბოსტონში, ტოკიოსა და პარიზში.

სინოფსისი

ლუიშ დი კამოენსი აღორძინების ხანის უდიდესი პორტუგალიელი პოეტია. ფილმი მასზე და მის მიჯნურ დინამენეზე მოგვითხრობს, რომელსაც პოეტმა თავისი შედევრი, ეპიკური პოემა „ლუზიადა“ მიუძღვნა.

ბიოგრაფია 

ლეა ვიდაკოვიჩი (1983 წელი, სერბეთი) მულტიმედიa არტისტია, რომელიც შემოქმედებით დადგმებსა და მარიონეტების ანიმაციებზე მუშაობს.  2010 წელს ნორვეგიაში, ანიმაციის სპეციალობით, ბაკალავრის ხარისხი მოიპოვა. 2006-2010 წლებში ზაგრების ხელოვნების აკადემიაში სწავლობდა გრაფიკულ ხელოვნებას.  2012 წელს დაასრულა ბელგიის სამეფო აკადემიის მაგისტრატურის კურსი აუდიო-ვიზუალური ხელოვნების განხრით.  ლეას ნაშრომები დამოუკიდებელ და ჯგუფურ გამოფენებსა და ანიმაციის ფესტივალებზე იყო წარმოდგენილი. მიღებული აქვს რამდენიმე ჯილდო ხელოვნებისა და კინემატოგრაფიის დარგში.

სინოფსისი

მელიებზე მონადირე და ფაიფურის ნაწარმის მაღაზიის მეპატრონე ქალი, მეცნიერი ძმები, სელაპი, ბიჭი და მუსიკალური აპარატი. ექვსი პერსონაჟი სწრაფვის სურვილით არის შეპყრობილი და მათ დიდი ლანდშაფტი აშორებს. სიყვარულის, ვარაუდისა და თვითგანადგურების ოთხი ისტორია.  

ბიოგრაფია 

ლეა ტრიბულეტი დაიბადა 1987 წელს, საფრანგეთში. სტრასბურგის დეკორატიული ხელოვნების სკოლაში სწავლობდა სცენოგრაფიას. სტუდენტობის დროს მოკლემეტრაჟიანი ფილმების გადაღება დაიწყო.  2010 წელს დაამთავრა მაგისტრატურა. სწავლის დამთავრების შემდეგ  მუშაობდა  სასცენო დიზაინის მიმართულებით. 2013 წელს უნგრელი რეჟისორის, ბელა ტარის, ხელმძღვანელობით სარაევოში საერთაშორისო პროგრამას - Film Factory - შეუერთდა.

სინოფსისი 

რამდენად რთულია კომუნიკაცია და ჩვენი საკუთარი სურვილების ცოდნა? ჩვენი ცხოვრების ყოველდღიურობა იმას გვავიწყებს, რაც მართლა გვჭირდება და აჩრდილებს ვემსგავსებით.

ბიოგრაფია 

ნატალია აზევედო ანდრადემ 2014 წელს დაამთავრა პორტოს უნივერსიტეტის ხელოვნების ფაკულტეტის ბაკალავრიატი. გაცვლითი პროგრამით მონაწილეობდა ბუდაპეშტის მოჰოი-ნადის სახელობის ხელოვნებისა და დიზაინის უნივერსიტეტში ანიმაციის მიმართულებით. აქვს სხვადასხვა ფესტივალზე მოხალისედ მუშაობის გამოცდილება.

სინოფსისი

მოცეკვავე რიტმის შეგრძნებას კარგავს, რის შემდეგაც შიშის, დანაშაულის გრძნობისა და სირცხვილის დაძლევა უწევს. 

ბიოგრაფია

ლაშა ცქვიტინიძე დაიბადა 1988 წელს  თბილისში. დაამთავრა თბილისის თეატრისა და კინოს სახელმწიფო უნივერსიტეტშის სარეჟისორო  ფაკულტეტი. სწავლის პერიოდში 3 მოკლემეტრაჟიანი ფილმი გადაიღო. 2011 წელს, ყოველგვარი დაფინანასების გარეშე, დამოუკიდებელი ფილმი ,,ჰობუნი“ გადაიღო. 2012 წელს შემდეგი მოკლემეტრაჟიანი ფილმი „თემო" კერძო საპროდიუსერო კომპანიის დახმარებით გადაიღო, თუმცა ფინანსების ნაკლებობის გამო ფილმი დაუმთავრებელი დარჩა. „მე ვარ ბესო" ლაშა ცქვიტინიძის პირველი სრულმეტრაჟიანი მხატვრული ფილმია. ფილმის პრემიერა სარაევოს მე-20 საერთაშორისო კინოფესტივალზე გაიმართა.

სინოფსისი

ბესო 14 წლის ბიჭია და მივარდნილ სოფელში იზრდება. ბესოს ოჯახში ბევრი პრობლემაა. მამა ჩერნობილში დაინვალიდებული ხანშიშესული კაცია, რომელიც მთელი დღის მანძილზე ტელევიზორს უყურებს და ოჯახის წევრებს აგინებს. ბესოს დედა ოჯახის მარჩენალია და ყოველ დილით ქალაქში სავაჭროდ დადის. ბესოს ძმა ლერი ჰომოსექსუალია და სახლში ცეკვის კერძო გაკვეთილებს ატარებს. ბესოს და მის მეგობარ ბექას თანაკლასელები ჩაგრავენ. მიუხედავად ყველაფრისა, ბესო და ბექა დროს კარგად ატარებენ და ბავშვურად ერთობიან. ბესო დიქტაფონზე რეპს წერს. ბიჭი ოცნებობს, რომ მდიდარი და პოპულარული იყოს და ოჯახს დაეხმაროს. 

ბიოგრაფია

დაიბადა 1972 წელს თბილისში. სწავლობდა ხატვას ი. ნიკოლაძის სამხატვრო სასწავლებელში, შემდეგ თბილისის სამხატვრო აკადემიაში.

1994-1997 წლებში სწავლობდა ედინბურგის უნუვერსიტეტის ხელოვნების კოლეჯში – კინო და ტელევიზიის ფაკულტეტზე. ხელოვნების ბაკალავრი.

1999 წლიდან დღემდე ამზადებს დოკუმენტურ ფილმებს და გადაცემებს სხვადასხვა ტელეარხებისთვის. 2002 წელს დაჯილდოვდა ამერიკის ტელეაკადემიის ჯილდოთი – “ემი” ფილმისთვის “ბავშვები გისოსებს მიღმა”.

სინოფსისი

დუბაიდან ინდოეთისკენ მიმავალ   ბერძნულ ტანკერს OLIB'G-ს, სადაც 15 ქართველი და 3 თურქი მეზღვაური იმყოფებოდა,  გემთმფლობელმა ყალბი საბუთები და არასწორი კოორდინატები მიაწოდა. გემი სომალელმა მეკობრეებმა ჩაიგდეს ხელში და გამოსასყიდად 15 მილიონი ამერიკული დოლარი მოითხოვეს. მეზღვაურების ტყვეობა და წამება 16 თვეს გაგრძელდა.

ბიოგრაფია

სალომე ალექსი (ნუცა ალექსი-მესხიშვილი) დაიბადა თბილისში. დაამთავრა თბილისის სამხატვრო აკადემია. 1988-1992 წლებში მუშაობდა კინოსა  და თეატრის დეკორაციებისა და კოსტიუმების დიზაინერად. 1992-1996 წლებში პარიზში, კინოსკოლა La Fémis-ში, სარეჟისორო პროგრამაზე სწავლობდა, სადაც რამდენიმე მოკლემეტრაჟიანი და დოკუმენტური ფილმი გადაიღო. მის მოკლემეტრაჟიან ფილმს „ფელიჩიტა“ (2009) ვენეციის 66-ე კინოფესტივალზე ჟიურის სპეციალური ჯილდო გადაეცა. ,,კრედიტის ლიმიტი“ სალომე ალექსის პირველი სრულმეტრაჟიანი ფილმია და მისი პრემიერა 2014 წელს ვენეციის კინოფესტივალზე გაიმართა.

სინოფსისი

40 წელს გადაცილებული ნინო საბჭოთა კავშირში კომფორტულად ცხოვრობდა, თუმცა თანამედროვე საქართველოში ცვლილებებთან შეგუება უჭირს და ყველაზე გავრცელებულ მეთოდს მიმართავს - მაღალპროცენტიან იპოთეკურ სესხს იღებს. ნელ-ნელა ვალებში იძირება და თავის დაღწევა შეუძლებელი ხდება.

თეონა მღვდელაძე

თბილისში, საბჭოთა საქართველოში დაბადებულმა თეონა მღდელაძემ მუსიკა თბილისში შეისწავლა, ხოლო კინემატოგრაფია - პარიზში. მისი სადიპლომო ნამუშევარი,  მოკლემეტრაჟიანი ,,მივიწყებული პარტიტურა“ (2008), 40-ზე მეტი ფესტივალისთვის შეირჩა და 5 ჯილდოს მფლობელი გახდა.

ტიერი გრენადი

ტიერი გრენადი რამდენიმე მოკლემეტრაჟიან ფილმზე რეჟისორის თანაშემწედ და პროდიუსერად მუშაობდა. ასევე, ჩინეთში დოკუმენტური ტრილოგიის პროდიუსერი იყო.

თეონამ და ტიერიმ ერთმანეთი 10 წლის წინ მოკლემეტრაჟიან ფილმზე მუშაობისას გაიცნეს და რამდენიმე პროექტის ფარგლებში ითანამშრომლეს. ,,ძმა“ მათი პირველი სრულმეტრაჟიანი ფილმია.

სინოფსისი

თბილისი, ადრეული 1990-იანები. ძველ უბანში მცხოვრები ადამიანები ქალაქში მიმდინარე ცვლილებებს თავისებურად უნდა დაუპირისპირდნენ. მაია ხედავს,  როგორ ეცლება ხელიდან უფროსი ვაჟი გიორგი, უმცროსი ვაჟი დათუნა კი ახალგაზრდა და ნიჭიერი პიანისტია და ძალადობასთან შეგუება უწევს, რომელიც ნელ-ნელა მათი ყოველდღიური ცხოვრების ნაწილი ხდება. მოპირდაპირე ქუჩაზე მდებარე შენობაში სხვა ტრაგედია ტრიალებს: დათუნას ასაკოვან მეგობარ არჩილს ომში შვილიშილი დაეღუპა. დარდისგან დაავადებული მოხუცი საწოლად არის ჩავარდნილი.

ბიოგრაფია

დაიბადა 1957 წლის 17 მაისს ბათუმში. 1979 წელს – თბილისის სახელმწიფო უნივერსიტეტის ფილოლოგიის ფაკულტეტი, 1982 წელს – შოთა რუსთაველის სახელობის თბილისის თეატრალური ინსტიტუტის კინოსარეჟისორო ფაკულტეტი (თენგიზ აბულაძის და რეზო ჩხეიძის სახელოსნო). 1977 წლიდან მუშაობს კინოსტუდია ”ქართულ ფილმში” ჯერ რეჟისორის ასისტენტად, შემდეგ – რეჟისორად. 1997 წლიდან ბათუმის ხელოვნების სახელმწიფო ინსტიტუტში ასწავლის რეჟისურას. 2006 წლიდან არის შოთა რუსთაველის სახელობის სახელმწიფო უნივერსიტეტის პროფესორი, ტელე–კინო ხელოვნების დეპარტამენტის უფროსი, უნივერსიტეტის აკადემიური საბჭოს წევრი, 2007-2012 ბათუმის ილია ჭავჭავაძის სახელობის დრამატული თეატრის მმართველი. 2013 წლიდან აჭარის ტელევიზიის მრჩველეთა საბჭოს თავჯდომარე.

სინოფსისი

ფილმი "სოლომონი" მოგვითხრობს ერთ უცნობ, ნიჭიერ მუსიკოსზე, რომელიც ცდილობს, თავისი შემოქმედებით დაიმკვიდროს ადგილი პოსტ-საბჭოთა საქართველოს ერთ-ერთ პროვინციულ, შავიზღვისპირა ქალაქში, რომელშიც ნიჰილიზმმა და ინდეფერენტიზმმა დაისადგურა. სოლომონის მუსიკა ან სუფრაზე, ან სარდაფში, ან ზღვის ნაპირას ისმის მხოლოდ. ერთადერთი ადამიანი, ვისიც მისი ესმის, ვისთვისაც მისი არსებობა აუცილებელია, არის შვილი, რომელიც ბავშვთა სახლში ცხოვრობს და იშვიათად ნახულობს გაშორებულ მშობლებს...

ფილმი გადაღებულია ბათუმის საავტორო ფილმების სტუდია (BAFIS). აჭარის განათლების, კულტურისა და სპორტის სამინისტროს ფინანსური მხარდაჭერით.

ბიოგრაფია

რეჟისორი, სცენარისტი და მსახიობი ოთარ იოსელიანი დაიბადა 1934 წელს თბილისში. მუშაობდა კინოსტუდია „გრუზიაფილმში“.  ამ პერიოდში გადაიღო მოკლემეტრაჟიანი ფილმები  ,,აკვარელი“ (1958),  ,,სიმღერა ყვავილის შესახებ“ (1959) და ,,აპრილი“ (1962). მისი პირველი სრულმეტრაჟიანი ფილმი „გიორგობისთვე“  გახდა ჟორჟ სადულის პრემიის ლაურეატი საუკეთესო დებიუტისთვის. 80-იანი წლებიდან მოღვაწეობს საფრანგეთში. არის პაზინეტის, ტარკოვსკის და მრავალი სხვა პრემიის ლაურეატი.

სინოფსისი

ზოგი მსგავსება შემაშფოთებელია. ეს ეხება გილიოტინაზე დასჯილ ვისკონტის, პირში ჩიბუხით, ტერორის პერიოდში; სამხედრო კაპელანს, განგსტერივით ამოსვირინგებული მკერდით, რომელიც ჯარისკაცებს, მოთარეშეებსა და მოძალადეებს ნათლავს; კომპაქტორის მიერ გათელილ, პარიზელ მაწანწალასა და დიდი კორპუსის განათლებულ კონსიერჟს, რომელიც იარაღითაც ვაჭრობს. ერთ შენობაში თითქმის ყველა აღნიშნული პერსონაჟი ერთმანეთს ხვდება - უსახლკაროს გარდა, რომელსაც პოლიცია ერთი ადგილიდან მეორემდე დაატარებს. ამ ქაოსში ოცნების, სიყვარულისა და მეგობრობის დრო მაინც რჩება, რაც უკეთესი მომავლის იმედს ტოვებს.    

ბიოგრაფია

კიმ კი-დუკი 1960 წელს დაიბადა პონჰუაში, სამხერეთ კორეაში. პარიზში ხელოვნების შესწავლის შემდეგ სამშობლოში დაბრუნდა და კარიერა სცენარისტად მუშაობით დაიწყო. მისი პირველი სარეჟისორო ნამუშევარი იყო 1996 წლის მცირებიუჯეტიანი ფილმი  ,,ნიანგი“. მას შემდეგ კრიტიკოსებიც და რიგითი მაყურებლებიც რთული პერსონაჟების, გამაოგნებელი სანახაობისა და უპრეცედენტო გზავნილების გამო აქებენ. კიმ კი-დუკს საერთაშორისო აღიარების მოუტანა  ფილმებმა: „სამარიტელი გოგო“ (2004 წელს ბერლინში „ვერცხლის დათვი“ გადაეცა, როგორც საუკეთესო რეჟისორს), „ცარიელი სახლი“ (2004 წელს ვენეციაში ,,ვერცხლის ლომი“ გადაეცა, როგორც საუკეთესო რეჟისორს), „არირანი“ (2011 წელს კანის კინოფესტივალზე „განსაკუთრებული ხედვის“ ჯილდო გადაეცა) და „პიეტა“ (2012 წელს ვენეციის კინოფესტივალზე „საუკეთესო ფილმის“ ნომინაციაში“ გაიმარჯვა).

სინოფსისი

სკოლის მოსწავლე გოგონას სასტიკად აუპატიურებენ და კლავენ, დამნაშავე კაცები კი დაუსჯელები რჩებიან, თუმცა შემდეგ ერთ-ერთ მათგანს კარგად გაწვრთნილი თავდამსხმელების იდუმალი ჯგუფი იტაცებს. გატაცებულს მკვლელობის აღიარების დაწერას წამებით აიძულებენ და ათავისუფლებენ. ტრავმირებული კაცი იგებს, რომ გოგონას მკვლელობის სხვა მონაწილეებმაც იგივე გადაიტანეს. პასუხების ძიებაში, კაცი მომდევნო მსხვერპლს მიყვება და თავდამსხმელების სამალავს პოულობს. 

ექსტრემალური თემებითა და თამამი სიუჟეტებით ცნობილმა რეჟისორმა კიმმა აღნიშნა, რომ ფილმი სამხრეთ კორეას ეხება - ქვეყანას, სადაც თვითონ ცხოვრობს და „მიუხედავად იმისა, ეთანხმებით თუ არა დასასრულს, უნდა უყუროთ“.

ბიოგრაფია

იტალიელი რეჟისორი, პროდიუსერი, სცენარისტი და მსახიობი - ჯოვანი „ნანი“ მორეტი 1953 წელს დაიბადა იტალიის ქ. ბრუნიკოში. მის ერთ-ერთ პირველ ფილმს -,,ტკბილი სიზმრები“ - 1981 წელს ვენეციის კინოფესტივალზე სპეციალური ჯილდო - „ვერცხლის ლომი“ - გადაეცა, ხოლო 2001 წელს ფილმისთვის - „ვაჟის ოთახი“ -„პალმის რტოს“ მფლობელი გახდა. 2012 წელს კანის კინოფესტივალზე ჟიურის პრეზიდენტი იყო. მორეტის არაერთი საერთაშორისო ჯილდოს მფლობელია: ,,ვერცხლის დათვი“ ბერლინის საერთაშორისო კინოფესტივალზე ფილმისთვის -„წირვა დასრულდა“, 1986; ევროპულ კინოდაჯილდოებაზე აღებული ,,კინოპრესის საერთაშორისო ფედერაციის“ ჯილდო („ძვირფასო დღიურო“, 1994) და საუკეთესო ფილმის ჯილდო Cahiers du Cinema-სგან („პაპი გვყავს“, 2011).

სინოფსისი

მარგერიტა ფილმს იღებს, რომელშიც ცნობილი ამერიკელი მსახიობი, ბარი ჰაგინსი, მონაწილეობს. ბარი გადასაღებ მოედანზე პრეტენზიულობით გამოირჩევა. მუშაობის გარდა, მარგერიტა დედის ავადმყოფობასა და ქალიშვილის გარდატეხის პერიოდთან გამკლავებას ცდილობს. 

ბიოგრაფია

ბრიტანელი მხატვარი, რეჟისორი და მწერალი პიტერ გრინუეი დაიბადა 1942 წელს, ქ. ნიუპორტში, უელსი. მისი ფილმები მეცნიერებისა და ხელოვნების სინთეზია. ტრადიციულ, ტექსტურ მონათხრობს უაზრობად აღიქვამს, ამიტომ, ამის ნაცვლად, გრინევეის ნახატებში, ფილმებში, რომანებში, ოპერებში, გამოფენებსა და დადგმებში ვიზუალური ენაა გამოყენებული. მის ნაშრომებში სიღრმისეულად არის გამოკვლეული სიკვდილი და სექსუალური სიამოვნება. გრინუეის ნაშრომებს შორის აღსანიშნავია: ,,მზარეული, ქურდი, მისი ცოლი და ცოლის საყვარელი“ (1989), ,,პროსპეროს წიგნები“ (1991), ,,ინტიმური დღიური“ (1996) და ,,გოლციუსი და პელიკანების საზოგადოება“ (2012).

სინოფსისი

პიტერ გრინუეის თამამი, სექსუალურად გამომწვევი და უზომოდ სახალისო ფილმი 1931 წელს მექსიკაში რუსი რეჟისორის, სერგეი აიზენშტაინის, სტუმრობას ასახავს. ეიზენშტაინს იქ ახალი ფილმი - ,,დიდებული მექსიკა“ - უნდა გადაეღო. ჰოლივუდის მიერ უარყოფილ და სტალინისტურ რუსეთში დაბრუნების მოთხოვნის გამო წნეხში მყოფ აიზენშტაინს პოლიტიკური და ფინანსური პრობლემები უჩნდება. ქალაქ გუანახუატოში ჩასული რეჟისორი სექსუალურ სისუსტესაც იჩენს. მექსიკელ გიდ პალომინოსთან ერთად, სექსისა და სიკვდილის კავშირს ათი დღის მანძილზე იკვლევს. ეს დღეები მის ცხოვრებასა და კარიერაში გარდამტეხი აღმოჩნდება. გრინევეი ეკრანს ყოფს, უჩვეულო კუთხეებიდან იღებს, ემოციურ და ვიზუალურად უნაკლო სამყაროს ქმნის. შედეგი მომაჯადოებელი, ზოგჯერ გამაოგნებელი და უზომოდ სახალისოა. ჩვენი დროის ერთ-ერთი საუკეთესო ინოვატორი რეჟისორის ნამუშევრებში ღირსეული დანამატია.

ბიოგრაფია

ცინელი რეჟისორი, სცენარისტი, მსახიობი და პროდუსერი ცზია ჩჟანკე  1970 წელს შანხაის პროვინციის ქ. ფენგიანგში დაიბადა. ადრეული წლებიდან სწავლობდა მხატვრობას, 1995 წელს ახალგაზრდულ-ექსპერიმენტული კინოჯგუფი დააარსა. ბევრი  კრიტიკოსი ჩჟანკეს თვლის თანამედროვე კინოს ყველაზე მნიშვნელოვან ფიგურად. 1997 წელს დაამთავრა პეკინის კინოაკადემია. მისი პირველი ფილმიც - ,,სიაუ ვუ“ (1998) ბერლინის, ნანტისა და ვანკუვერის ფესტივალებზე წარმატებული გამოდგა. შემდეგ მისი ფილმი - ,,პლატფორმა“ (2000) ვენეციის კინოფესტივალისთვის შეირჩა, ხოლო ,,უცნობი სიამოვნებები“ (2002) - კანის კინოფესტივალისთვის. 2003 წელს ჩჟანკემ ახალგაზრდა ჩინელი რეჟისორების მხარდასაჭერად კომპანია  Xstream Pictures დააარსა. 2004 წელს ფილმი ,,მსოფლიო“ გადაიღო, ხოლო ცზიას ,,ნატურმორტი“ 2006 წელს, ვენეციის კინოფესტივალზე, ,,ოქროს ლომით“ დაჯილდოვდა.

სინოფსისი

ჩინეთი, 1999 წელი. ბავშვობის მეგობრებს, ლიანცზისა და ჩჟანს, ქალაქის ლამაზმანი ტაო უყვართ. ბოლოს გოგონა უფრო მდიდარი ჩჟანის ცოლი ხდება და წყვილს ვაჟი გაუჩნდება, სახელად დოლარი. მოქმედება ჩინეთიდან ავსტრალიამდე ხდება. ფილმში წარმოუდგენლად სწრაფად ცვალებადი ოჯახის ორი თაობის ცხოვრება, სიყვარული, იმედები და იმედგაცრუებაა ნაჩვენები.

ბიოგრაფია

1963 წელს დაბადებული გასპარ ნოე არგენტინელი რეჟისორი და სცენარისტია. გასპარი არგენტინელი მხატვრის, მწერლისა და ინტელექტუალის, ლუის ფელიპე ნოეს, შვილია. ნოემ ლუის ლუმიერის კოლეჯი დაამთავრა. მოგვიანებით აღნიშნა, რომ შვიდი წლის ასაკში ნანახმა ფილმმა ,,2001 წელი - კოსმოსური ოდისეა“ მისი ცხოვრება შეცვალა და, ეს რომ არ გამოეცადა, რეჟისორი არ გახდებოდა.  მისი ფილმი ,,სიყვარული“ 2015 წელს კანის კინოფესტივალზე, „შუაღამის ჩვენებების“ სექციაში აჩვენეს.

სინოფსისი

1 იანვარი, ადრიანი დილა. ტელეფონი რეკავს. მერფი თავისი ახალგაზრდა ცოლისა და 2 წლის შვილის გვერდით იღვიძებს. კაცი ხმოვან ფოსტას უსმენს: ელექტრას უზომოდ აღელვებულ დედას აინტერესებს, მერფის ელექტრასგან ხომ არაფერი სმენია. ქალი დიდი ხნის წინ დაიკარგა. დედას ეშინია, მის შვილს ცუდი რამ არ შემთხვეოდა. 

ბიოგრაფია

სცენარისტი და რეჟისორი ალექსანდრე მინდაძე 1949 წელს მოსკოვში დაიბადა. დაამთავრა გერასიმოვის სახელობის კინემატოგრაფიის ინსტიტუტის სცენარის ფაკულტეტი  და 1976 წლიდან სცენარისტად მუშაობს. მინდაძეს მრავალი საერთაშორისო პრიზი აქვს მიღებული, მათ შორის, ბერლინის კინოფესტივალის „ვერცხლის დათვი“  ფილმისთვის „პიესა მგზავრისთვის“. მისი სარეჟისორო დებიუტი 2007 წელს შედგა ფილმით ,,ლივლივი“, რომელიც 2007 წელს ვენეციის კინოფესტივალზე აჩვენეს.

სინოფსისი

საბჭოთა მუშა პეტრე და გერმანელი ინჟინერი ჰანსი საბჭოთა კავშირში საქმიანი ვიზიტით მეორე მსოფლიო ომის დაწყებამდე ჩადიან. საწარმოში გერმანელების გუნდი რუს სპეციალისტებთან ერთად მუშაობს.

ინჟინერ ჰანსის ისტორია ემოციური გამოცდილებებით არის სავსე. სიუჟეტი რეალურ მოვლენებსა და ამ მოვლენებში მონაწილეთა მოგონებებს ეფუძნება. ფილმი ევროპის ისტორიის ნაკლებად ცნობილ პერიოდს ასახავს. მოლოტოვ-რიბენტროპის აქტის ხელმოწერის შემდეგ საბჭოთა კავშირსა და გერმანიას შორის ახლო თანამშრომლობა და სპეციალისტების გაცვლა მიმდინარეობდა, სანამ ეს ორი ქვეყანა სასიკვდილო ბრძოლაში ერთმანეთს დაუპირისპირდებოდა.

ბიოგრაფია

ცნობილი ბულგარელი რეჟისორი პაველ ვესნაკოვი  დაიბადა 1987 წელს. დაამთავრა ახალი ბულგარული უნივერსიტეტის სარეჟისორო ფაკულტეტი. მისი ფილმების მთავარი თემა თანამედროვე ბულგარული საზოგადოებაა.

სინოფსისი

მანოლი, გადამდგარი გენერალი, ოჯახში მთავარი ავტორიტეტია. ერთ დღესაც მკაცრი მორალური პრინციპების მქონე კაცი აღმოაჩენს, რომ ბიჭი, რომელიც გაზარდა, ჰომოსექსუალისტია. მანოლს ცხოვრება აიძულებს, თავის პრინციპებს უღალატოს და დამარცხება აღიაროს. 

The Netherlands 2014, 15 min

Director: Morgan Knibbe
Composer: Carlos dalla-Fiore
Producer: Jos de Putter
Editor: Morgan Knibbe
Cinematography: Morgan Knibbe
Production company:Deepfocus

ბიოგრაფია

იან გერიტ სეილერი 1979 წელს დაიბადა. ხელოვნებით ბავშვობიდან იყო გატაცებული. ბოლო 6 წლის განმავლობაში დანიასა და გერმანიაში უამრავ მოკლემეტრაჟიან ფილმზე უმუშავია როგორც რეჟისორს, ოპერატორს, ხმის რეჟისორს, მსახიობს, მემონტაჟეს და ა.შ.

სინოფსისი

მარკო და ლიზა შეყვარებულები არიან. მხარდამხარ იბრძვიან „ონლაინ მონსტრების“ წინააღმდეგ. ხანდახან ისეც ხდება, რომ ერთად იღუპებიან, მაგრამ „ბოლო სიცოცხლის“ გამოყენების უფლება ყოველთვის რჩებათ.  მიუხედავად ყველაფრისა, ლიზას არ უნდა მარკოს „ინტერნეტის გარეთ“ შეხვდეს. ერთ დღეს ლიზა ქსელში არ შემოდის. მარკო გოგონას მოძებნას გადაწყვეტს.

Poland 2014, 12 min, animation

Director:Wojciech Sobczyk
Composer:BartoszChajdecki
Producer:Wojciech Sobczyk
Screenplay:Wojciech Sobczyk

ბიოგრაფია

გაბრიელ აბრანტესი დაბადა 1984 წელს, ამერიკის შეერთებულ შტატებში, ჩრდილოეთ კაროლინას შტატში. სწავლობდა ნიუ იორკის მეცნიერებისა და ხელოვნების სკოლაში, პარიზის სახვითი ხელოვნების სკოლაში. გადაღებული აქვს 15 მოკლემეტრაჟიანი ფილმი. მისი ფილმები ნაჩვენებია ვენეციის, ლოკარნოსა და ტორონტოს საერთაშორისო ფესტივალებზე. მისი ნამუშევრები გამოფენილია ბოსტონში, ტოკიოსა და პარიზში.

სინოფსისი

ლუიშ დი კამოენსი აღორძინების ხანის უდიდესი პორტუგალიელი პოეტია. ფილმი მასზე და მის მიჯნურ დინამენეზე მოგვითხრობს, რომელსაც პოეტმა თავისი შედევრი, ეპიკური პოემა „ლუზიადა“ მიუძღვნა.

ბიოგრაფია

ოუენ დაფი ირლანდიელი რეჟისორია, რომელიც ამჟამად ვანკუვერში (კანადა) ცხოვრობს. რეჟისორის ფილმებს უამრავი პრესტიჟული ჯილდო აქვთ მოპოვებული.

სინოფსისი

ჯორჯ ტაკეი გვიყვება იგავს ციყვზე, რომელიც დაკარგულ ყელსახვევს ეძებს.

ბიოგრაფია 

გუნმუნდურ არნარ გუნმუნდსონი 1982 წელს დაიბადა რეიკიავიკში, დაამთავრა ისლანდიის ხელოვნების აკადემიის სახვითი ხელოვნების ფაკულტეტი. ამჟამად ქმნის ფილმებს და ასწავლის სცენარის წერას, რეჟისურასა და ვიდეოარტს.

სინოფსისი 

ფილმი მოგვითხრობს ორი ძმის ისტორიას, რომლებიც მშობლებთან ერთად შორეულ სოფელში ცხოვრობენ. მაყურებელი ძმებთან ერთად მოგზაურობს და იმ მომენტის თვითმხილველი ხდება, რომელიცმათი ცხოვრების ჩვეულ დინებას სამუდამოდ ცვლის. 

სინოფსისი

„ქალაქი პანიკაში - საახალწლო ნამცხვარი“ -  ახალი ეპიზოდი საინტერესო ისტორიას მოგვითხრობს: კოვბოისა და ინდიელს თავიანთ ცხოვრებაში ყველაზე გრძელი საახალწლო ღამის გატარება უხდებათ.    

ბიოგრაფია

იდან ჰუბელი ებრაელი რეჟისორია. დაამთავრა სემ შპიგელის კინოსა და ტელევიზიის სკოლა იერუსალიმში. სწავლის პერიოდში გადაღებული აქვს ორი სტუდენტური ფილმი. იდან ჰუბელი რამდენიმე პრესტიჟული ჯილდოს მფლობელია. რეჟისორის პირველი სრულმეტრაჟიანი ფილმის - „მიტოვებული ადამიანი“ - პრემიერა 2012 წელს ვენეციის კინოფესტივალზე შედგა.

სინოფსისი

იონათანს შოკოლადი უყვარს. ბიჭი ქოთნიდან ბოლო ნაჭერს იპარავს. მას შემდეგ, რაც დედინაცვალი „ქურდობაში“ ამხელს და ძმებიც გაუბრაზდებიან, იონათანი  სახლიდან გაქცევას გადაწყვეტს.    

ბიოგრაფია

მარიამ ხაჭვანი დაიბადა1986 წელს.  დაამთავრა საქართველოს შოთა რუსთაველის სახელობის თეატრისა და კინოს სახელმწიფო უნივერსიტეტი.  მარიამს გადაღებული აქვს დოკუმენტური ფილმები: „ვერძობა“ (2006 წელი) და „ფანჯრის მიღმა“  (2007 წელი), აგრეთვე, „ლიჩანისი“ და „კვირიკობა“ (2009 წელი). „დინოლა“ რეჟისორის პირველი მოკლემეტრაჟიანი მხატვრული ნამუშევარია. ფილმი მრავალ საერთაშორისო ფესტივალზე იქნა ნაჩვენები, მათ შორის, კლემონ-ფერანის მოკლემეტრაჟიანი ფილმების 36-ე საერთაშორისო კინოფესტივალსა და ნორვეგიის მოკლემეტრაჟიანი ფილმების ფესტივალზე.

სინოფსისი

ფილმის მოქმედება სვანეთში ხდება. მთის მკაცრი კანონი დედას და შვილს ერთმანეთს აშორებს - ახლად დაქვრივებული ქალი იძულებულია უცნობ მამაკაცს ცოლად გაჰყვეს და საკუთარი შვილი მიატოვოს.  

ბიოგრაფია

ჰანეს ვარტიაინენი დაიბადა 1980 წელს. 2004 წელს დაამთავრა ჰელსინკის პოლიტექნიკური უნივერსიტეტის სარეჟისორო ფაკულტეტი.

პეკა ვეიკოლაინენი დაიბადა 1982 წელს. სწავლობდა გრაფიკულ დიზაინს ჰელსინკის ხელოვნებისა და დიზაინის უნივერსიტეტში. 2000 წლიდან აქტიურად მუშაობს როგორც ილუსტრატორი და ანიმატორი.  

სინოფსისი

იყო ადამიანი, ნიშნავს გქონდეს სიცოცხლისა და სამყაროს აღქმის განსაკუთრებული უნარი. გასაჭირის ჟამს ერთმანეთის ნუგეშისა და მხარდაჭერის ამარა ვრჩებით. 

ბიოგრაფია

ხორხე ლოპეს ნავარეტე ბარსელონაში დაიბადა. რეკლამაში რამდენიმეწლიანი  მუშაობის შემდეგ საკუთარი ვიდეო პროექტების შექმნა დაიწყო. სწავლობდა სან ანტონიო დე ბანიოსის კინოსკოლასა და ბარსელონის პომპეუ ფაბრას უნივერსიტეტში.  „ცემენტის პატარა ბლოკი გაწეწილი თმით, რომელიც ზღვას შეიცავს“ რეჟისორის პირველი ფილმია. 

სინოფსისი              

ძაღლი და ცხენი ერთად მოგზაურობენ. ყოველ ნაბიჯზე, უფროდაუფრო ცხადი ხდება, რომ ისინი ერთმანეთისგან ძალიან განსხვავდებიან და სწორედ ეს დიდი სხვაობაა მათი დაახლოვების მიზეზი.   

ბიოგრაფია

რეჟისორი და მემონტაჟე, უნა გუნიაკი, დაიბადა სარაევოში. ამჟამად ცხოვრობს ლონდონში. დაამთავრა ტურინის უნივერსიტეტის სარეჟისორო ფაკულტეტი და გაერთიანებული სამეფოს კინოსა და ტელევიზიის სკოლა მემონტაჟის სპეციალობით.

სინოფსისი

მოქმედება სარაევოში, 1993 წელს ხდება. სელმას დაბადების დღეზე წიწილას აჩუქებენ. 6 წლის გოგონა ხვდება, რომ წიწილას დიდი ხნის სიცოცხლე არ უწერია და მის გაშვებას გადაწყვეტს. სელმა ვერ ხვდება, რომ სავალალო შეცდომა დაუშვა - ბავშვის დედა წიწილის დაჭერას ცდილობს და სნაიპერის მსხვერპლი ხდება. 

ბიოგრაფია

ცნობილი მსახიობი, რეჟისორი და მუსიკოსი, შიმონ საბო, დაიბადა 1979 წელს.  2008 წელს მისმა მოკლემეტრაჟიანმა ფილმმა, „Let’s Roll“, უნგრეთის კინოკვირეულზე საუკეთესო მოკლემეტრაჟიანი ფილმის პრიზი დაიმსახურა, ხოლო 2009 წელს, რეჟისორის სრულმეტრაჟიანმა ნამუშევარმა, „ქაღალდის თვითმფრინავები“, შანდორ სიმოს პრიზი მოიპოვა.

სინოფსისი

16 წლის ლაცი ქუჩაში ცხოვრობს და თავს დროებითი სამუშაოებით ირჩენს. ერთ დღეს, სხვა ბიჭებთან ერთად, მშენებლობაზე აიყვანენ სამუშაოდ. მას სახლების ირგვლივ კედლების აშენება ევალება. ერთხელაც, საქმის დასრულების შემდეგ, ბიჭი გადაწყვეტს კედლის მეორე მხარეს გაიხედოს...

ბიოგრაფია

ლანა ღოღობერიძე 1928 წლის 13 ოქტომბერს დაიბადა თბილისში. 1950 წელს თბილისის სახელმწიფო უნივერსიტეტში ფილოლოგიის ფაკულტეტი დაამთავრა, მოგვიანებით კი - მოსკოვის სახელმწიფო უნივერსიტეტში კინემატოგრაფიის ფაკულტეტი. 1954 წელს ფილოლოგიის მეცნიერებათა დოქტორის ხარისხსი მოიპოვა. 1957 წლიდან Georgian Film Studio-ში მუშაობდა და 1975 წლიდან რუსთაველის თეატრში კინორეჟისორთა სტუდიას ხელმძღვანელობდა. 1988 წელს Georgian Film Studio-ს დირექტორად დაინიშნა. შემდეგ პოლიტიკური კარიერა დაიწყო და 1992 წელს პარლამენტის წევრი გახდა. 1999 წლიდან ევროსაბჭოში საქართველოს განსაკუთრებული და სრულუფლებიანი წარმომადგენელი იყო და 2004 წლიდან საფრანგეთში საქართველოს ელჩად დანიშნეს. მხატვრული და დოკუმენტური ფილმებისთვის რამდენიმე საერთაშორისო ჯილსო აქვს მიღებული.

ლანა ღოღობერიძე მის მიერ გადაღებული ყველა ფილმის ერთ-ერთი სცენარისტია. ეს ფილმებია:  „ერთი ცის ქვეშ“ (1961), „მე ვხედავ მზეს“ (1965), „ფერისცვალება“ (1968), „როცა აყვავდა ნუში“ (1972), „აურზაური სალხინეთში“ (1975), „რამდენიმე ინტერვიუ პირად საკითხებზე“ (1978), „დღეს ღამე უთენებია“ (1984), „ორომტრიალი“ (1986), „ვალსი პეჩორაზე“ (1992).

სინოფსისი

სოფიკო ჭიაურელი ახალგაზრდა ჟურნალისტია და ინტერვიუებს მათგან იღებს, ვინც რედაქტორს საჩივრის წერილები გაუგზავნეს. ერთ-ერთი ქალი სოფიკოს დედაა. მათი საეკრანო ურთიერთობა ფილმის შემქმნელისა და დედამისის ადრეულ, ტრაგიკულ ცხოვრებას ასახავს, რის გამოც ეს პროექტი ძალიან პირადულია. დოკუმენტური ფილმისა და ფსიქოლოგიური დრამის ელემენტების შემცველი ნაშრომი ქალების, სამუშაოს, ოჯახისა და ქორწინების შესახებ თამამი განაცხადია, რომელმაც საერთაშორისო აღიარება მოიპოვა, როგორც საბჭოთა კავშირის პირველმა ფემინისტურმა ფილმმა. გარდა ამისა, ფილმში სტალინის ბანაკები აშკარად პირველად იყო ნახსენები. 

ბიოგრაფია

არუთიუნ ხაჩატრიანი 1955 წელს დაიბადა ახალქალაქში, საქართველოში. იგი რეჟისორი, პროდიუსერი, სცენარისტი და სომხეთის ,,პატივცემული არტისტია“. 2006 წლიდან ხაჩატრიანი ევროპის კინოაკადემიაში ხმის უფლების მქონე წევრია. აგრეთვე, Golden Apricot FCD-ის დირექტორი, 2004 წლიდან კი ერევნის საერთაშორისო კინოფესტივალ Golden Apricot-ის თანადამაარსებელი და გენერალური დირექტორია. 2007 წელს ხაჩატრიანს პრინც კლაუსის ჯილდო გადაეცა. 2008 წელს საფრანგეთის კულტურის მინისტრმა ხელოვნებისა და ლიტერატურის შევალიედ გამოაცხადა.

სინოფსისი

1988 წლიდან ადრეულ 90-იანებამდე სომხეთი სამმა მოვლენამ შეძრა: საშინელმა მიწისძვრამ, ყარაბაღის ომმა და საბჭოთა კავშირის დაშლამ. შედეგად, მოსახლეობის ნაწილმა გადასახლებაში ცხოვრება ამჯობინა. ფილმი ერთ-ერთ მათგანს ეხება და ურჩი კაცის შესახებ გულის ამაჩუყებელ ამბავს გვიამბობს. 

ბიოგრაფია

არუთიუნ ხაჩატრიანი 1955 წელს დაიბადა ახალქალაქში, საქართველოში. იგი რეჟისორი, პროდიუსერი, სცენარისტი და სომხეთის ,,პატივცემული არტისტია“. 2006 წლიდან ხაჩატრიანი ევროპის კინოაკადემიაში ხმის უფლების მქონე წევრია. აგრეთვე, Golden Apricot FCD-ის დირექტორი, 2004 წლიდან კი ერევნის საერთაშორისო კინოფესტივალ Golden Apricot-ის თანადამაარსებელი და გენერალური დირექტორია. 2007 წელს ხაჩატრიანს პრინც კლაუსის ჯილდო გადაეცა. 2008 წელს საფრანგეთის კულტურის მინისტრმა ხელოვნებისა და ლიტერატურის შევალიედ გამოაცხადა.

სინოფსისი

თამამი განაცხადი რეალობასა და სიმართლესთან მაქსიმალურად მიახლოებული ფილმის გადაღების შესახებ. მორალური ორაზროვნების ხაზგასმით, რეჟისორი ხაჩატრიანი სირთულეებისა და გამოწვევების წინაშე მდგომი ქვეყნის თავისებურებებს წარმოაჩენს. საბჭოთა კავშირის დაშლის შემდეგ სომხეთი გზაჯვარედინზე იდგა, რასაც ფილმი მომაჯადოებლად ასახავს.